Kung meron mang sarap sa buhay na gusto kong matikman palagi (kasama na dun ang… alam mo na), ay ang sarap na dulot ng masahe.
Isa ang masahe sa mga bagay na nakapagpapasaya sa akin-- nakakatanggal ng stress, nakakarelax, at nakakapagpasigla. Ayon sa mga health research, may mga benepisyo naidudulot ang pagpapamasahe tulad ng napapaganda ang daloy ng dugo sa katawan, nakakapagparelax at nakakatanggal ng sakit ng mga muscles sa katawan, at, tulad ng nabanggit ko, nakakatanggal ng stress na nagbibigay ng sari-saring sakit tulad ng hypertension at cancer. Pangontra depression din daw ito.
Nung nasa Isabela pa ako, halos linggo-linggo nagpupunta ako sa barbero para magpamassage. Mura lang kasi ang masahe sa probinsya. Nung nandun pa ako, 40 pesos ang head massage, 80 pesos ang half-body massage, 160 pesos naman ang whole body. Meron din nagpupunta noon sa bahay na manghihilot, si Ate Tikya. 150 pesos binab
ayad ko sa kanya pagnagpapahilot ako sa kanya. Pero ok naman kasi natatanggal namana niya yung mga lamig sa likod saka sakit ng ulo ko. Madalas nakakatulugan ko sya habang hinihilot ako. Pero hindi sya umaalis. Hinihintay nya ako magising kasi di pa ako nagbabayad!
Dito sa Manila, nagpapamasahe din ako. Gustong-gusto ko dun sa mga blind masseurs. Masarap yung masahe nila kasi madiin. Gusto ko yung medyo hard massage kasi. At mura pa kumpara sa mga spa center na nasa 200 pataas ang presyo ng massage services. Sa mga bulag, 80 pesos half-body for 20 minutes ang pinakamababa. Sakto lang sa budget ko. Di ko pa na-try sa mga spa pero siguro masarap… lalo na kung seksing babae yung masahista! PATAY TAYO JAN!
Akala ko noon natural na sa mga bulag ang pagiging mahusay sa pagmamasahe kasi nga magaling sila sa kapaaan. Iba yung sense of touch nila. Pero hindi pala ganoon. Pinagaaralan din nila ang pagmamasahe. Narinig ko dun sa isang bulag na nagmamasahe sa massage parlor sa Farmer’s Plaza, isang taon ang pag-aaral nila sa pagmamasahe: nine months ang training nila plus three months na OJT.
Interesado din ako matuto ng mga iba’t-ibang massage techniques. Yung Shiatsu, Swedish, Reflexology at iba pa. Nagmamasahe din kasi ako. naalala ko, noong bata ako, masahista ako ng mga magulang ko. Bago sila matulog sa gabi, magpapamasahe sila ng ulo, likod, kamay, at paa sa akin (Kaya din siguro hindi masyadong lumaki ang mga kamay ko). Nung first year college, pinagkakitaan ko din yung konting skill ko sa pagmamasahe. Nagpapamasahe sa akin yung mga matatandang babaeng professor sa college of education. Binabayaran naman nila ako ng 50-100 pesos. Ok na rin pandagdag ko sa pamasahe at panglaro ng Playstation sa palengke.
Meron din isang experience na hindi ko malilimutan nung nagpamasahe ako minsan. College ako noon. Pumunta ako sa isang massage parlor sa Isabela. Napansin ko medyo madilim saka pula yung mga ilaw. Pagpasok ko may lalakeng sumalubong sa akin at pinaakyat ako sa second floor. Sabi pa nya noon “Ok dito ser. May mga bago din kami.” Sa isip ko, “Huh?” Tapos maya-maya tinuro nya sa akin yung isang mahabang bintana ng kwarto. Sumilip daw ako doon at pumili. Binuksan yung ilaw sa loob nung kwarto… meron palang mga nakahelerang baba
e doon sa loob. Pumili daw ako kung sino ang gusto kong magmasahe sa akin. Patay na. Napasubo na ako. Pero meron naman akong pera noon kaya tinuloy ko na. Sinamantala ko na. Andun na eh! Tinuro ko na yung babaeng seksi, chinita, at maputi. Sabi nung lalake, “Ok ser, bago yan”. Pinapunta na ako sa kwarto para hintayin yung magmamasahe. Madilim din yung kwarto—pula yung ilaw tapos may maliit na bilog na table, dalawang upuan, puting kama, at isang wall fan. May maliit na daga pa nga akong nakita eh. Pero bago ako pumasok, nag-spray muna ng pampabango sa kwarto yung lalake. “Pasok na kayo ser, nandyan na yung magmamasahe sayo”, sabi nung lalake. Umupo na ako sa upuan. Maya-maya, dumating na yung babae… Chubby at morena! Anak ng kamote! Iba dun sa tinuro ko! Pero di na ako nagreklamo. Tinanong ako nung lalake kung order ba ng drinks. Umorder ako ng dalawang pineapple juice na nakalata. Sabi ng lalake 150 pesos daw ang isa nun! Sabi ko sa isip ko, “Anak ng… Napasubo nanaman ako!” Pero inorder ko na din. Tig-isa kami nung babae. Umalis yung lalake para kumuha nung juice at bumalik agad. Tapos, sinara na nya yung pinto ng kwarto. Sabi nung babae humiga na daw ako sa kama. Pero na-sense ko na hindi yung inaasahan kong masahe ang gagawin nya sa akin kundi ibang klaseng “masahe”. May “extra service” pa nga ata na inaalok no’n. Sinabi ko na lang na hindi ako magpapamasahe. Ininterview ko na lang siya. Naikwento nya na hindi siya taga Isabela kundi taga Visayas. May anak sya doon at nagtatrabaho siya ng ganoong klaseng propesyon para may pang tustos sa bata. Di naman daw talaga gusto yung ganoong trabaho pero napipilitan lang siya para mabuhay silang mag-ina. Medyo naawa din ako sa babae na yun. Tinuruan ko pa nga siya ng masahe sa kamay. Tapos ng isang oras, lumabas na kami sa kwarto. Tapos pinuntahan ko yung lalake at siningil ako ng 500 pesos. Napasubo nanaman ako kasi ang pera kong dala noong 1000 pesos na pang allowance ko sana for two weeks pero nalagas sa isang gabi lang. Kamote talaga!
